Caire é un quinteto de canas fundado en 2020 nos Países Baixos por un grupo de mozos españois que coincidiron durante os seus estudos entre o Royal Conservatoire da Haia, a Codarts University of the Arts de Rotterdam e a Fontys Academy of Music and Performing Arts de Tilburg.

O seu principal obxectivo é compartir coa audiencia as historias, imaxes e sensacións que a música produce. Caire transmíteo dun xeito inesperado e innovador, respectando a historia e as raíces da música que interpretan.

O quinteto español está formado por Pedro Jiménez (oboe), Carolina Guiducci (clarinete), Adrián Vilaboa (saxofón), Celia Matamoro (fagot) e Alberto García (clarinete baixo). Este quinteto de canas caracterízase pola súa variedade tímbrica; a combinación de cana simple e dobre dota o conxunto dunha cor e flexibilidade únicas.